MUSICA M.I.D.I. MITI RACCONTI POPOLARI E VARIA ATTUALITA'

Che malaspina - 1943
Versi di Enzo Fusco
Musica di Giuseppe Cioffi

Nun ce sta sera ca nun stóngo a vino,
è meglio ca mme scordo e ca mme stono...
Si veco ca mme tremmano sti mmane,
vaco a sfrennesiá dinta cantina!
Nun ce sta sera ca nun stóngo a vino...

Che malaspina si' tu,
che malaspina!...
Astrigne, dinte mmaglie 'e na catena,
ll'ommo ca s'è abbagliato 'e passione:
Primma ll'attire e doppo t'alluntane...
Te cride, 'ncapa a te, ca si' 'nnucente?
Si' tanta bella, ma si' malamente!

Si 'nnanz'â luce metto stu bicchiere,
ce veco n'ombra ca mme fa paura:
Na faccia 'e santa cu duje uocchie chiare
ca s'annasconne 'o tradimento 'ncore!...
Si 'nnanz'â luce metto stu bicchiere...

Che malaspina si' tu,
che malaspina...
Astrigne, dinte mmaglie 'e na catena,
ll'ommo ca s'è stunato 'e passione:
Primma to vase e doppo ll'abbandune....
Mo vaje dicenno ca nn'hê fatto niente...
Quanto si' bella tu, 'nfama e 'nnucente!

Comm'a na pianta 'e rose te criscevo:
'O sole 'e chist'ammore te vasava,
'o chianto 'e chistu core t'arracquava...
e tu, malvagiamente, mme tradive!
Comm'a na pianta 'e rose te criscevo...

Che malaspina si' tu,
che malaspina...
Ma si na sera sgarro cu 'o bicchiere,
mme scordo ca stu core è nu signore...
ma i' penzo: 'A libbertá mm'è troppo cara!
Stasera è na serata 'e primmavera,
amice...ve saluto...bonasera...

Finale:
Quanta palomme 'ncielo sóngo asciute...
è bella, è troppo bella 'sta nuttata...
'O vino, pure 'o vino se n'è ghiuto!
I' torno â casa senza cumpagnía:
Mm'addormo dinte bbracce 'e mamma mia!
Che malaspina...

Traduzione da napoligrafia.it
Non c'è sera che non sono ubriaco,
è meglio che dimentico e che mi stono.
Se vedo che mi tremano le mani,
vado a sfogarmi all'osteria.
Non c'è sera che non sono ubriaco.

Che infame sei tu, che infame.
Stringi, nelle maglie di una catena,
l'uomo che è accecato di passione,
prima l'attiri e dopo ti allontani.
Pensi di essere innocente?
Sei tanto bella, ma sei cattiva.

Se davanti alla luce metto questo bicchiere,
ci vedo un'ombra che mi fa paura.
Una faccia di santa con due occhi chiari
che nasconde il tradimento nel cuore.
Se davanti alla luce metto questo bicchiere.

Che infame sei tu, che infame.
Stringi, nelle maglie di una catena,
l'uomo che è stordito dalla passione,
prima lo baci e dopo l'abbandoni.
Ora dici che non hai fatto niente.
Quanto sei bella tu, infame e innocente.

Come una pianta di rose ti crescevo.
Il sole di quest'amore ti baciava,
il pianto di questo cuore ti innaffiava.
E tu, malvagiamente, mi tradivi!
Come una pianta di rose ti crescevo.

Che infame sei tu, che infame.
Ma se una sera esagero col bicchiere,
mi dimentico che questo cuore è un signore.
Ma io penso: "La libertà mi è troppo cara"
Stasera è una serata di primavera,
amici, vi saluto, buonasera.

Quante colombe in cielo sono spuntate,
è bella, è troppo bella questa nottata.
Il vino, anche il vino se n'è andato.
Io torno a casa senza compagnia,
Mi addormento tra le braccia di mia madre.
Che malaspina.