MUSICA M.I.D.I. MITI RACCONTI POPOLARI E VARIA ATTUALITA'

(Autori: musica di Ernesto Tagliaferri, versi di Ernesto Murolo; anno: 1924; interpreti: Sergio Bruni, Antonello Rondi, Mario Merola, Massimo Ranieri, Luciano Lualdi, Mario Trevi)
Va cu te stu core amato
pe' 'sta via ca porta a mare...
Llá sta Napule allummato...
Mo ca scinne chesti ggrare
vide 'o mare accumparé...
Spanne ll'aria nu sapore
d'erba 'e scoglie e de magná'...
Na cantina 'e piscatore
tene 'o lume pronto giá...
Fuoco e zuccaro 'o mellone:
ce stennimmo 'nterr'â rena...
Neve 'e 'sprinia 'into giarrone,
'ncielo 'e stelle e 'a luna chiena...
Ritornello:
E io canto: Qui fu Napoli!...
Nisciuno è meglio 'e me...
Dimane penzo ê diebbete
stasera só' nu rre!

Sentarraje 'ncopp'a la rena
voce a stesa 'e marenare:
" Tira, ohé...cha rezza vène..."
" forza ohé...ch'aónna 'o mare..."
" Tira...arranca...venga a me!"

Cu chitarre e lume a giorno
na varchetta passa e va...
rossa e verde è ll'acqua, attuorno...
tu nun mange, pe' guardá...

E i' te vaso 'sta vucchella
cu cchiù sfizio e passione...
'sta vucchella sciuliarella
'nfosa 'e vino e de mellone...

Ritornello:
E io canto: Qui fu Napoli!...

Vintun'ore...ccá vicino,
nu rilorgio, ll'ora sona...
Forse è 'ammore, forse è 'o vino...
'sta faccella s'abbandona:
tu t'adduorme 'mbracci'a me...

Pe' cuperta tiene 'e stelle,
pe' cuscino chistu core...
Nonna - nonna a st'uocchie belle
só' sti vvoce 'e piscatore...

Dinto suonno, smaniosa,
mo mme vuó'...mo mme ne cacce...
Po' te scite e, vrucculosa,
t'annascunne 'int'a sti bbracce...

Ritornello:
E io canto: Qui fu Napoli!...