MUSICA M.I.D.I. MITI RACCONTI POPOLARI E VARIA ATTUALITA'

Versi di Luciano Beretta e Antonio Mennillo, musica di Eligio La Valle; anno: 1957

'Na fenesta e 'nu murzillo 'e luggetella,
'nzieme 'e rrose e 'nu canario, ce staie tu!
Ma chi è che l'à pittato
stu quadrillo 'e giuventù!
'Na vucchella rossa, rossa piccerella,
cu duie uocchie scippacore verde e blu;
pe' te dà 'nomme bello
io te chiammo: "Putipù!"
Ritornello:
Putipù pitipù, putipù si tu!...
che miette 'o core 'nfesta.
Tiene 'a voce aggrazziatella,
tiene 'a faccia 'e palummella.
Putipù, putipù, putipù pe tte,
s'arapene e feneste.
Comm'e 'o sole tu me saie purtà
sta freva ca me fà 'nnammurà!
Putipù...
cu sti vase chin'e fuoco,
fuoco ardente ca sceta 'a giuventù;
Putipù...
si a vasà nun è peccato,
damme 'a vocca e niente cchiù!
Putipù pitipù, putipù si tu!...
'o sole 'e stu paese;
si 'a canzona bella 'e sta città,
si 'o riturnello d'à felicità!

'O canario 'nnammurato, vò 'a canaria;
pure 'a rosa vò 'o garofano spusa'!
Tu sultanto quann'j' passo
cirche 'e mezze e me scanzà!
T'aggiu fatto pe' nu mese 'o stesso orario,
settemila serenate o forse cchiù...
ma stasera finalmente
tu me siente "Putipù!"
Finale:
Putipù...
cu stì vase chin'e fuoco,
fuoco ardente ca sceta 'a giuventù;
Putipù...
si a vasà nun è peccato,
damme 'a vocca e niente cchiù!
Putipù pitipù, putipù si tu!...
'na gioia pe' stu core;
cu 'nu vaso tu me faie 'mparà
'o ritornello d'à felicità!

Sopra stampa tratta da "Usi e Costumi di Napoli e contorni descritti e dipinti", una riedizione pubblicata da Marotta editori, ma edita per la prima volta da Francesco de Bourcard nel 1857. Nella stampa sono raffigurati quattro ragazzini che con strumenti vari dovevano accompagnare una serenata.