MUSICA M.I.D.I. MITI RACCONTI POPOLARI E VARIA ATTUALITA'

Dedica

  Quannu sarai grannuzzu e liggirai
(forsi sarannu chiusi l'occhi mei!)
'sti quattru sunitteddi ca 'nvintai
contra di l'omu e di li so' nichei,

  'nsìgnati beni chistu ca non sai,
e chi spirimintavi a costi mei
contra li tristi 'un pridicari mai,
ca l'omini su' tutti farisei.

Non addrizzari li gammi a li cani,
lassa lu vrazzu stortu a San Raineri
e lu piloccu a zòtici e viddani.

Ju, ca radìvi peju d'un varveri,
mi vitti senza amici, a lu 'nnumani,
'na manu avanti e 'n'autra d'arreri!

Significato di alcune parole in dialetto:
grannuzzu(grandicello)
nichei(dispetti, nequizie)
spirimintavi(sperimentai)
vrazzu(braccio. Vuliri addrizzari lu vrazzu a S. Raineri, ha lo stesso significato di: drizzar le gambe ai cani, fare l'impossibile)
piloccu(pelugine)
radìvi(rasi)
varveri(barbiere)
a lu 'nnumani(all'indomani)
'na manu avanti e 'n'autra d'arreri(vecchio adagio che significa: a mani vuote, con un pugno di mosche)

Li matrimoni d'auannu

  Sentu cuntari tanti e tanti cosi
di matrimonii veri mustruusi,
tra picciutteddi comu Diu li vosi
e vecchi stranchillati e scuncirtusi...

  O beddu Amuri, 'sa unn'è ca posi
si non ti trovi 'n pettu a li carusi;
si li buttuni stissi di li rosi
ti cangianu pri picciuli rinusi!?...

O matri carculanti e scialarati,
ca li figghiuzzi vostri vi vinniti
comu Jmenti, pri jri appaiati;

  'Sa pirchì è ca vi scrupuliati
sintennu di taluni chi sapiti
ca vinnunu li carni pri li strati?

Significato di alcune parole in dialetto
d'auannu(d'oggi)
picciutteddi(giovanette)
comu Diu li vosi(comu Diu le volle)
stranchillati(acciaccaticci)
scuncirtusi(rivoltanti)
carusi(ragazze)
buttuni(bociuoli)
picciuli(spiccioli)
rinusi(renosi, sabbiosi, dicesi dei soldi di cattiva lega)
carculanti(calcolatrici)
scialarati(scellerate)
vinniti(vendete)
jmenti(giumente)
vi scrupuliati(vi fate scrupolo)

A LU ME' GIURNALI

  Oh, giurnaleddu miu, ca t'ha' crisciutu,
comu si soli diri, ccu lu sciatu,
ora ti guardu beddu, arrinisciutu,
ccu l'occhi chini di lu 'nnamuratu...

  Pri tia quantu vilenu haju agghiuttutu,
si tu sapissi quantu m'ha' custatu!
Lu stissu sangu miu l'ha straburutu
pri fàriti di tutti arrispittatu.

  Nun t'ha' jucatu mai, nun t'ha' vinnutu,
comu taluni fannu, a lu mircatu,
- e quantu tintazioni c'haju avutu!...-

  Ju non cercu ricchizzi e m'ha bastatu
d'aviri sempri - forti o sia cadutu -
la genti onesta misa a lu me' latu.

  Ma piaciri quantu nn'haju avutu
ccu 'stu tanticchia di carta stampata!...
Nnmici tristi quantu nn'ha' vinciutu,
a quantu ha' datu la cutuliata!...

  Ju lu cavarcu, e ccu 'n friscuni acutu:
- Curri, jmenta!-E curri a la sfrinata!
Siddu la vogghiu a passu sustinutu,
strinciu la brigghia e allentu la truttata.

  Ccu 'sta jmenta c'ati conusciutu,
mi sentu cavaleri di Granata;
e turrigghiuni assai nn' haju graputu!

  Pri nui non c'è chiù porta sbarriata:
- Avanti, d'Artagnan, ca si' lu scutu!
- Avanti, d'Artagnan, ca si' la spata!

  Nnmici, è veru ca nn'avemu tanti,
o giurnaleddu miu, ma 'un ci  fa nenti;
ci sunnu 'ntra lu munnu li birbanti,
li 'nvidiusi, ccu li mali genti.

  Tu, sparti, ha' avutu la virtù custanti
di jri contru di lu priputenti,
di lu mafiuseddu ccu li 'nguanti,
di qualchi nubilottu e prisidenti;

  e tutti  chisti cca, naturalmenti
- chisti, ca nni vulissiru pircanti -
quannu ci ammatti azzìccanu li denti.

  Ma di 'sti salifizii non ti scanti,
ca li scagghiuni to' su' cchiù putenti
e si l'accarpi chiamanu li santi!

Il significato di alcune parole in dialetto:
sciatu(sospiro)
arrinisciutu(riuscito, fatto grande)
agghiuttutu(inghiottito)
straburutu(disperso)
nn'haju(ne ho)
tanticchia(un tantino)
dari 'a cutuliata(dare la sveglia, la bastonata)
cavarcu(cavalco)
friscuni(forte fischio)
Jmenta(giumenta)
graputu(aperto, nel senso di guadagnato, espugnato)
sbarriata(serrata con sbarre, con spranghe)
mafiuseddu(mafiosetto)
'nguanti(guanti)
pircanti(spiriti, quindi trapassati)
azzicanu li denti(addentano)
salifiziu(specie di scorpione velenosissimo)
non ti scanti(non hai paura)
scagghiuni(denti incisivi)
si l'accarpi(se li prendi tra le unghia)

LU RITRATTU D'UN PREFETTU

  Biniditta ' dda matri ca vi fici!
Binidittu 'ddu Diu ca vi criau,
siti daveri chiddu ca si dici
la vera effigi di lu nnannalau!

  Ma 'tra ' ssa testa chi ci aviti, pici?
Ma la mirudda chi vi sdisciurau?
Cu' vi cunsigghia, Diu lu benedici,
cu' fu 'ddu sceccu ca v'addutturau?

  Chi mancu menza nn'aviti 'ngarratu?
Chi di nudda manera nni 'nzirtati?
Comu nascistru accussì svinturatu?!...

 Ma chi nn'ha' a fari, non vi scuraggiati,
ca siti lu ritrattu spiccicatu     
di lu guvernu ca rapprisintati!

Significati di alcune parole in dialetto:
criau(creò)
nnannalau(sinonimo di idiota)
pici(pece)
mirudda(midollo)
sdisciurau(vi ha guastato)
'dda scecca(qual somaro)
v'addutturau(vi fece dottore)