Nino Martoglio, Nato a Belpasso (Catania) il 3 dicembre 1870 - Morto a Catania il 15 settembre 1921 




LA CURA PRI LI JETTICHI(tisici)

(discursu sciintificu fra du' scarpara palermitana)
Il discorso verte sull'invenzione di un insigne medico palermitano, il prof. Cervello. Costui mise a punto un vaporogeno che sviluppava dei gas a base di formalina, respirando i quali i tubercolosi avvrebbero risentito grandi vantaggi alla salute. L'idea fu talmente avvincente che al comm. Ignazio Florio venne l'idea di far costruire all'Acquasanta(località marina di Palermo) un sanatorio pei tubercolosi. Tale idea fu poi abbandonata perchè pare che l'invenzione del prof. Cervello non rispondesse, in tutto e per tutto, alla grande aspettativa dei poveri tisici e degli scienziati. La costruzione del sanatorio si trasformò nella costruzione dell'incantevole Villa Hygea del comm. Ignazio Florio, oggi hotel.

 - V'aviti a fiurari, cumpareddu,
ca all'ebbica prisenti, la scienza
è cunsistenti d'una cunsistenza
ca vi pitta 'ntra l'aria 'n aceddu.

  Chista di lu dutturi Ciriveddu,
vulènnula arrifrèttiri, 'n cuscenza,
vi pari cosa facili, ca senza
musturi vi fa stari bonu e beddu?

  Li jettichi pigghiaru un ternu 'n siccu;
e ora ca si fa lu sanatoriu
ognunu d'iddi già si senti riccu!

  Vui tistiati? Cca la cosa è seria;
abbasta a diri ca 'Gnazieddu Floriu
fici un spitali di la Ninfa Egeria.

  Unni ca si sviluppa un certu fetu,
ca pari fetu e fra di tantu è oduri...
e ccu 'ssa cura di 'stu prufissuri
lu malatu sta bonu e sta cuetu,

  Pirchì sappi truvari lu segretu
di dari lu pitittu e lu culuri,
e già ci su' rignanti e 'mperaturi
ca s'hannu scrittu dintra l'arfabetu.

  E 'ssa cosa si chiama 'nfurmativa,
ardica di furmicula, mi pari...
e 'na pirsuna morta torna viva.

  Ci sturiò pi menzu d'una lampa,
ed io lu sacciu, cumpareddu Turi
pirchì 'stu fattu ha jutu pri la stampa.

  -Sintiti, chi pigghiastivu 'a cinchina?
Faciti un discurseddu ca cunsola!
Ma 'un fussi megghiu ca pri stamatina
canciassivu sunata, mastru Cola?

  Nni facistivu già la testa china;
ma chi vi pari ca semu a la scola?
Allocu di spitali e miricina
parrati di pastizzi e di cannola!

  'Ssu prifissuri? Santu e binirittu,
li jettichi ci allonganu li jorna.
Froliu? Sia lodato unn'è ca passa!

  Ma a nui, ca nn'assicuta lu pitittu,
non nn'aviti a cuntari comu torna;
nn'avissivu a 'nsignari comu passa!

Significati delle parole in dialetto:
jettichi(etici, tisici)
fiurari (immaginare)
feto(puzzo)
cuetu(calmo)
pitittu(appetito)
arfabetu(s'intenda il registro di prenotazione del Sanatorio
'nfurmativa(formalina)
ardica di furmicula(letteralmente tradotto: ortica di formica, ma è la storpiatura di aldeide formica)
lampa(lampada, quella del vaporogeno)
ha jutu(è andato)


Vendita libri letti una volta su Vinted

Lettera A Lettera B-Be Lettera Bi-Bz Lettera C1 Lettera C2 A.Camilleri Casati Modignani Lettera D-E Lettera F Lettera G-Gi Lettera Gl-Gz Lettera H-I-J Lettera K-Le Lettera Lf-LZ Lettera M-Me LetteraMi-Mz Lettere N-O Lettera P Lettera Q-R Lettera S-Sl LetteraSm-Sz Lettera T Lettera U-V Lett.da W a Z AA.VV. Dizionari Guide Lista libri


Torna sù