Nino Martoglio, Nato a Belpasso (Catania) il 3 dicembre 1870 - Morto a Catania il 15 settembre 1921 




DIALUGU TRA L'AUTURI E LU SO' LIBRU, A USU DI PREFAZIONI

Tutti in Sicilia, diceva Luigi Pirandello, conoscono Centona. Le edizioni di essa si esauriscono e si rinnovano continuamente. Segno che il popolo riconosce nel suo poeta la sua voce. Il che basta, continuava Pirandello, a perpetuare la fama del Martoglio anche se di queste liriche appassionate o giocose, di questi tanti sonetti, in cui un intero dramma, un'intera commedia, son racchiusi con potente efficacia nel giro di quattordici versi e tante volte in una sola parola o in un gesto espressivo, segnato con un'esclamazione, la critica ufficiale del Continente non ha mai mostrato di accorgersi bene.

L'auturi
- Centona, si lu munnu allittricutu
scienti a varvasapiu arruccatu,
doppu tant'anni ch' ha' jutu e vinutu(1),
ancora, chi ci si' nun s'ha' addunatu,

signu c'ha' jutu sempre senza 'ndrizzu,
ca 'n' ha' saputu fari pruulazzu
ca si' comu un cagnolu appagnatizzu
chi 'un àvi rastu e nun cunchiudi un lazzu!...

Centona
- Mi fa' ridiri propriu di gran vogghia,
caru Auturi, ju sugnu 'na figghia
ca fu misa a lu munnu senza dogghia
e abbannunata a unni pigghia pigghia...

Né circu, né tiranti, né 'nfascianna,
né vattiu, né baria, né minna...;
chi nni vòi di mia, matri tiranna,
si non m'ha' carculatu, omu di pinna?

Siddu vulevi chissu, caru Auturi,
di 'n'autra manera avevi a fari:
appena ti sintevi li duluri,
curriri supra l'àstricu e gridari:

"Ajutu!...Ajutu!... Staju parturennu!
Mi servi la mammana!... A cu' ci mannu?...
Signuri mei, 'sa chi staju facennu?!...
Curriti tutti a mia, m'arraccumannu!..."

E poi fàriti vidiri sudatu...,
all'occhi toi stissi ammaluccutu
ppi 'ssu purtentu c'avi sbrucculatu,
ccu tanti sforzi e ccu duluri acutu...

Doppu pagari dui, tri tamburina
e fari vanniari ca Centona
era 'na maravigghia, 'na rigina,
'na santa spiccicata di la cona!...

Avissi vistu si curria la baria,
quantu patrozzi ccu tantu di boria,
quantu muschittarii 'ntrunari l'aria,
quantu campani sfirràrisi a gloria!...

Inveci... E chi vo' diri ca pri chissu
la genti bona m'ha mannatu a spassu?
Non haju fattu carrera lu stissu,
di jornu in jornu allungannu lu passu?

Nun c'è paisi unn'è sicilianeddu
ca non nn'ha vistu 'nsemi, a fari sbaddu,
fussi ccu la scuzzetta o lu cappeddu,
omu di chiurma, capumastru o baddu.

L'haju junciutu a terri furisteri,
unni travagghia o unni sta a pinari,
e s'è surdatu dintra li trinceri
quannu m'incontra non mi sa lassari!...

Pirchì dici ca ju, ccu 'sta parrata
ci portu oduri di fastuca e 'ntrita,
di ficudinnia di la sipalata,
di nipitedda e zagara ciurita.

Li parenti, li ziti, li mugghieri,
lu mari virdi e chinu di muciari,
l'Etna, Munti Russu, Mumpileri,
lu nostru celu di li notti chiari...

Li passioni, ci portu - dici - tanti,
c'avemu chiusi 'ntra lu cori ardenti,
lu cori nostru ca 'n'è mai fistanti
pirchì si cutigghia continuamenti...

E ppi una comu mia, misa a la Rota,
dicu, non basta, matri scialarata,
chi lu munnu firriu senza pilota
e senz'arti ti vuscu simanata?(2)

L'Auturi
- Centona mia, pirduna, su' pintutu
parravi ccu lu senziu malatu;
chiddu chi tu mi duni ogni minutu
vali chiù di qualunchi Cumparatu.

Tu mi fa' riturnari a li vint'anni,
tuttu 'mmizzìgghi e tuttu cumpunenni,
dintra di tia ci trovu, nichi e granni,
chiddi chi chianciu a lacrimi pirenni!...

Ti leggiu e li ritrovu vivi e forti,
tutti li cosi ca pirdivi in parti,
tutti li cari mei ca sunnu morti,
tutta la fidi ca mittìa 'ntra l'arti....

Me' Patri, me' Matruzza, amuri santu,
me' Frati Giuliu(3), ca valia ppi centu,
cori malati e cori senza scantu,
cumpagnu fidu, di ogni momentu!.....

L'amici, li cumpagni chiù fidati,
o morti, o 'ntra lu munni straburati...
Catania, li so' chiazzi, li so' strati...
l'occhi di li so' donni non tinciuti!

La festa di Sant'Aita a Frivaru,
cantanti, 'ntuppateddi(4), nuciddara...
Natali, ccu li botti di murtaru,
ccu li nuveni e li ciaramiddara!....

E la Villa Bellini, 'ntra la 'stati,
ccu lu passiggiu di tutti li ziti,
cu' tristi, cu' fistanti, cu' 'ncagnati,
cu' 'ncunnatizzi e cu' tutti puliti!...

La scola di l'abballu e la dispira
di li pueti ppi la putiàra,
chiddu ca vinni càlia a la sira,
li friituri e li cacucciulara.

L'acqua di Paternò(5), frisca e annivata,
lu scialacori, duru e ammanticatu,
li Cuntastorii sutta la scarpata
e li Barracchi a lu Signuri Asciatu!(6)...

Li vamparigghi di l'Ascinzioni,
la scerra forti ca finisci beni,
li curtigghiara ca fannu quistioni
senza ca nuddu li sparti o li teni...
Va', va', Centona, torna nni Giannotta*,
iddu ti fici la prima faretta,
fatti fari 'na bella riringotta
e torna ppi lu munnu, senza fretta.

Non c'è bisognu ca ti fai 'na meta;
finu a quannu tu lassi ppi la strata
'ss' oduri di Sicilia 'ncueta,
la to' carrera è sempri assicurata.

Significati di parole in dialetto:
allittricutu(letterato), varvasapiu(sputa sentenze), fari pruulazzu(far rumore), appagnatizzu(ombrato), rastu(fiuto), tiranti(bretelle), siddu(se), mammana(levatrice) , ammaluccutu(sgomento), sbrucculatu(scodellato), vanniari(bandire), cona(icona), patrozzi(padrini), fari sbaddu(stare allegri), scuzzetta(berretto), baddu(capoccia), junciutu(raggiunto), fastuca e 'ntrica(pianta del pistacchio e mandorle secche e monde), sipalata(siepe di fichidindia), nipitedda(melissa nepeta o mentuccia), muciari(barche piatte per le tonnare), cutigghia(si tortura fino alla disperazione), firriu(giro), senziu(i sensi, l'intelletto), cumparatu(compare fidato), 'mmizzigghi(vezzi,moine), cumpunenni(prepotenze), nichi(piccoli) , chianciu(piango), straburati(dispersi), tinciuti(tinti, ancora non truccati), nuciddara(venditori di nocciuole), botti di murtaru(mortaretti), ciaramiddara(suonatori di cornamusa o ciaramedda), 'ncagnati(imbronciati), 'ncunnatizzi(goffi, ineleganti), dispira(disfida o sfida), putiàra(ostessa), ca vinni calia(che vende ceci abbrustoliti), friituri(friggitori), cacucciulara(venditori di carciofi), scialacori(dolce gelato), vampiragghi(fuochi), scerra(zuffa),
curtigghiara(donne di bassa condizione, pettegole), li sparti(le divida), faretta(sottana, veste), 'ncueta(irrequieta).

Note:
1) dopo diverse ristampe non s'è accorto che esisti.
2) ti vuscu simanata(ti guadagno paga settimanale).
3)Giuliu è il fratello prediletto dell'Autore, volontario di guerra, cadde eroicamente a Castelnuovo sul Carso, nel 1915, alla testa della Compagnia che guidava all'assalto.
4) 'ntuppateddi(donne velate e nascoste in bizzarri mantelli detti tonti, il cui incognito era tenuto sacro da tutti. Venivano fuori nelle serate delle feste a far graziosi scherzi ai congiunti e agli amici. La singolare usanza ora è scomparsa.
5)la famosa acqua di Paternò effervescente, diuretica.
6)Baracchi a lu Signuri Asciatu(stabilimenti balneari in località Signuri Asciatu).
* L'editore Niccolò Giannotta che pubblicò la raccolta completa delle poesie di Nino Martoglio(n.d.r.)



Vendita libri letti una volta su Vinted

Lettera A Lettera B-Be Lettera Bi-Bz Lettera C1 Lettera C2 A.Camilleri Casati Modignani Lettera D-E Lettera F Lettera G-Gi Lettera Gl-Gz Lettera H-I-J Lettera K-Le Lettera Lf-LZ Lettera M-Me LetteraMi-Mz Lettere N-O Lettera P Lettera Q-R Lettera S-Sl LetteraSm-Sz Lettera T Lettera U-V Lett.da W a Z AA.VV. Dizionari Guide Lista libri


Torna sù