MUSICA M.I.D.I. MITI RACCONTI POPOLARI E VARIA ATTUALITA'

'E LLAMPADINE(musica e parole di Giuseppe Capaldo)

Nce simmo appiccecate mille vote
e mille vote avimmo fatto pace.
Volubile si' tu. Mo si' tenace,
a n'atu ppoco tu stuzziche a me.
E i' faccio 'o tira e molla appriesso a te.

Sti core nuoste
parono doje lampadine elettriche.
S'appicciano, se stutano,
se tornan'a appicciá.
E 'ammore, ca pe' spesso
ll'elettricista fa,
stuta a te,
appiccia a me,
pe' mme fá cchiù cunzumá.
E luce, luce, luce,
luce elettrica.

Ajere mme faciste 'a dispettosa.
Ogge mm'accuorde cu nu pizzo a riso.
Dimane tu mme saglie 'mParaviso,
doppo dimane nc'îmm' 'a appiccecá
e po' facimmo pace llá pe' llá.

Sti core nuoste(ritornello)

E tiene mente, i' mo t' 'o stó' dicenno,
e mo piglie e mm'avuote 'e spalle 'nfaccia?
Po' tuorne a te mená dint'a sti bbracce
e indifferentemente vase a me?
E indifferentemente io vaso a te.

Sti core nuoste(ritornello)