MUSICA M.I.D.I. MITI RACCONTI POPOLARI E VARIA ATTUALITA'

Cumpagno prigiuniero - 1945
testo di Gigliati
Musica di Gaetano Lama

Cumpagno prigiuniero statte allere.
Fatte curaggio, nun t'avvelinà
tu tiene nu segreto dinto 'o core,
e stu segreto nun te fà campà!..
Tu scrive notte e ghiuorne a na' figliola
ca pensa e ffà sultanto 'nfamità!
e a mamma toia manco 'na parola!
Me scusarrie ma chesto nun se fà!

Cumpagno prigiuniero,
vuò sentere 'na gioia,
rispunne a mamma toia
ca nun te po 'ngannà!
Io quanno scrivo a vicchiarella mia
me scorde ca suffrimme nterra ccà!..

Cumpagno prigiuniero statte allere.
Io pure aggio suffertopeggio 'e tè!..
Tenevo 'nu cumpagno assaie sincero
ca pe 'na ngrata me tradette a mme!
E chesta 'nfama chiste s'arrubbaie...
Te l'arricuorde?A saie pure tu!
Primma 'e partì 'p 'a guerra me giuraie;

Cumpagno prigiuniero
chillo ca s'a pigliaie,
mo soffre, soffre assaie!
Ma che s'a chiagne a ffà!...
Invece io rido, canto e s' 'o felice
ca songo riuscito a m'a scurdà!...

Cumpagno bello! A ttè chella Maria,
t'ha fatto 'o stesso che facette a mme
tu te pigliaste 'a nammurata mia!
E mo' n'ato ommo l'ha levato a ttè!..
A gente m' 'o screveva ogne mumento
E mo, 'o destino t' 'ha mannato ccà!..
No, nun tremmà ca nun te faccio niente!
ncoppa 'a sta terra ognuno pò mancà!...

Cumpagno prigiuniero!
Strignimmece sti mmane!
pecchè ogge e dimane,
turnamme 'a parte 'e llà!...
Ognuno e nuie llà tene 'na mamma.
E 'a nnammurata nosta e chella llà!..
Cumpagno prigiuniero
mo 'a pace è riturnata!
L'Italia è liberata,
turnammo a libertà!...
Ognuno e nuie llà tene 'na mamma!