MUSICA M.I.D.I. MITI RACCONTI POPOLARI E VARIA ATTUALITA'

L'ultima tarantella(autori: Versi di Libero Bovio, musica di Ernesto Tagliaferri; anno 1936; interpreti: Ria Rosa, Mirna Doris, Angela Luce)
IL TESTO:
Tarantella,
s'è mis''e rimpetto
pe' farme dispietto...
e dispietto mme fa!...

I' te veco:
Tu 'o guarde sott'uocchie
ma dint''e ddenócchie
te siente 'e tremmá...

Tu 'o vuó' bene, mannaggia 'o vuó' bene!
Si' spergiura si dice ca no...
Prigiuniera stu 'nfame te tène,
prigiuniera e fa chello ca vò'!

Guarda a me!
guarda a me!
comm'a quanno,
mo fa ll'anno,
te purtaje
dint''a cchiesa d''a Madonna d''a Catena...
Comm'a quanno
te vasaje
chesta vocca ardente e bella
ca, stasera, si mme vasa, mm'avvelena...
Tarantella!

Tarantella!
Stu core è d''o mio
pecché surtant'io
tengo 'o deritto d''o ddí!

Jammo, abballa!
Strignímmoce forte
p''a vita e p''a morte
attaccáte accussí...

I' nun tengo a nisciuno e tu 'o ssaje
che calvario aggio fatto pe' te...
Te disprezzo pe' quanto t'amaje
e nisciuno t'ha amata cchiù 'e me!

Guarda a me!
......................

Tarantella!
Tu vi' st'abetiello?
Na sferra 'e curtiello,
annascosta, ce sta!

'Nnanz'a st'uocchie
mme passa nu velo...
'sta mano è nu gelo
e paura mme fa...

I' só' zingaro e saccio ogne cosa:
tutt'e duje site pronte a partí...
Pe' signale ha sfrunnato na rosa,
ma nun sape che spina songh'i'...

Bada a te!
Bada a te!
Nun mm'arrènno,
nun mm'arrènno,
só' dannato!
Nun só' carne battezzata: só' na jena!
Ma i' t''o stenno
'nzanguinato
chist'amico ca mo abballa...
'nnanz'â cchiesa d''a Madonna d''a Catena!
Tarantella!

Se gradisci il contenuto di questa pagina seguici su Facebook e premi su MI PIACE di
"MIDI MITI MICI"
nostra pagina su FACEBOOK.