MUSICA M.I.D.I. MITI RACCONTI POPOLARI E VARIA ATTUALITA'

Trezzanera(Versi di Enzo Bonagura - Musica di Fulvio Rendine; anno:1949 ; interpreti: Alberto Amato )
Mo ch'e ditto a 'o sole:
"Pitta 'o cielo ca 'o sole saie pittà"...
Mo ca 'o viento passa
mmieze 'e chiuppe p'e fa sunà.
Nnanze a chesta casa
si t'assiette, ca stanco si'
siente, oj cammenante,
chistu cunto ca te facc' 'i...
quann'era figliola
steva sola
e ancora sola sta.
Sienteme, siè
addò corre stu sciummetiello
se fermava 'nu guagliuncello
ll'ore sane a sbariaà:
Sienteme, siè...
e na sera, scuranno sera.
Trezzanera
rispunnette: stongo cà...

Chillo d'e canzone
mo cantanno nun passa cchiù,
s' 'o purtaie 'o tiempo
comme 'e suonne d'a giuventù
quanno cu nu sciore
'ncoppo 'a recchia, passaie ccà...
Fuie ll'urdema vota
ca venette p'a salutà.
Trezzanera
tene dint'o core
nu dulore
ca nun le vo passà...
Sienteme, siè
'ncoppo 'o ponte 'e stu sciummetiello
lle dicette: "Si vuò st'aniello
tu pe sempe l'he purtà"...
Sienteme, siè...
Ma quant'anne so' 'a chella sera?
Trezzanera
spera sempe: Turnarrà...

Quanta tela ha fatto
'nu telaro ca fino a mo
sempe ha faticato
cu nu 'ntroc-ntruppeche-ntrè...
E che tesse penza:
tiempo tiempo cchiù nun passà...
Mmiezo a sti capille
qualche filo d'argiento è già...
Trezzanera
comme s'è sciupata
e cchiù nun turnarrà...
Sientele, siè
va dicenno chi sa qua sera
Trezzanera
p'o dulore, murarrà...
Finale:
Viecchio cammenante
si p' 'o munno mo vuò turnà,
miettete 'ncammino
e stu cunto nun t' 'o scurdà!