MUSICA M.I.D.I. MITI RACCONTI POPOLARI E VARIA ATTUALITA'

Raziella(autori: anonimo del 700; la canzone fu rielaborata nel 1749 da Domenico Bolognese e Pietro Labriola: secondo alcuni nell'800 ci fu una ulteriore elaborazione a cura di Guglielmo Cottrau; interpreti: Roberto Murolo, Gianni Lamagna

A core a core cu' Raziella mia
stavo assettato a chillo pizzo là:
lu patre asceva, e schitto ne' era 'a zia,
ma zitto zitto se potea parlà!
La zia filava e poco nce senteva,
ca pe' lu suonno la capa le pennea;
io la manella de' Nenna mia pigliava,
che non volea, ma se facea vasà.

Essa cantava co' chella bella voce,
lu mandolino io me mettea a sonà.
Essa dicea cantanno doce doce:
"Aniello mio, io sempe t'aggio amà."
La zia filava e poco nce senteva
e pe' lu suonno la capa le pennea,
ma si 'ntrasatto essa maje se scetava
lu locco subbeto io me metteva a fà.

Ma chillo tiempo comme priesto è passato.
Darria lo sango pe' farelo turnà!
Tanno era alliero, e mo' son sbenturato.
Schitto d'arraggio e chianto aggio 'a campà!
Raziella mia, Raziella me 'ngannava.
Aje! Disperato tanto me so' arredutto
che o moro acciso o m'aggio a vennecà.