MUSICA M.I.D.I. MITI RACCONTI POPOLARI E VARIA ATTUALITA'

Musica di Lino Benedetto, versi di Marcello Zampagna - 1959, interpreti: Sergio Bruni, Nilla Pizzi, Nino D'Angelo, Tony Bruni, Peppino di Capri, Mario Abbate, Mario Trevi, Giacomo Rondinella, Claudio Villa, Fausto Cigliano

E pass''o tiempo
sunnanno ll'ammore,
sultanto ll'ammore...
e nun s'arrènne stu core,
penzanno, aspettanno a te...
Pure 'a vernata fredda
se ll'accarezza 'o sole...
ma 'o sole,
'o sole mio...addó' sta?!

Viéneme 'nzuonno sí,
viéneme 'nzuonno!
Nun mme scetá,
famme 'mpazzí
'nzieme cu te...
Mme pare overo ca sí turnata
comm'a na vota
abbracciata cu me...
Ammore, ammore mio...
Sento ancora dint''e vvene,
'o desiderio e 'o bbene...
damm''a mano, damme 'o core:
Io voglio sulo a te...
Viéneme 'nzuonno sí...
viéneme 'nzuonno...
te voglio dí:
" 'O sole mio si' tu!"

Facimmo pace!
Nun 'mporta 'o ppassato:
ce sta nu dimane...
Io conto 'e juorne suffrenno,
vulenno sultanto a te...
'Sta vita nun è vita
si nun ce sta ll'ammore...
e 'ammore,
'ammore mio si' tu!

Viéneme 'nzuonno sí,
viéneme 'nzuonno!
Nun mme scetá,
famme 'mpazzí
'nzieme cu te...
Mme pare overo ca sí turnata
comm'a na vota
abbracciata cu me...
Ammore, ammore mio...
Sento ancora dint''e vvene,
'o desiderio e 'o bbene...
damm''a mano, damme 'o core:
Io voglio sulo a te...
Viéneme 'nzuonno sí...
viéneme 'nzuonno...
te voglio dí:
" 'O sole mio si' tu!"

Voglio sunná...
'nzieme cu te voglio sunná!...