MUSICA M.I.D.I. MITI RACCONTI POPOLARI E VARIA ATTUALITA'

TESTO:
Nannì, doppo dui' anne
'e pene e pecundria
'ncungedo, bella mia,
songo turnato a tte.
Quanno sient' 'e tammorre
e passano 'e surdate
ricordate 'o passate
e pienze sempe a mme.
Ritornello:
Core 'e stu core
vita 'e sta vita
na calamita tu si' pe mme.
T'aggio tenuta sempre presente
ore e mumente penzavo a te.

N'aggio passatp bosche
n'aggio sagliuto monte;
e n'aggio visto ponte
e sciumme 'a fa tremmà.
Marcianno int' 'a nuttata
sperdevo a cumpagnia
'e l'ombra 'e mamma mia
me steva accumpagnà.
Ritornello:
Core 'e stu core ecc.ecc.

Uh, quante e quante notte,
Nannì, m'aggio sunnato,
che m'ero cungedato
e stevo mbracci' a tte.
Ma mo ca cchiù nun stongo
fra chilli bosche e monte,
Nannì, si tu si pronte
Currimmo a gghi' a spusà.
Ritornello:
Core 'e stu core

Sopra stampa tratta da "Usi e Costumi di Napoli e contorni descritti e dipinti", una riedizione pubblicata da Marotta editori, ma edita per la prima volta da Francesco de Bourcard nel 1857.