MUSICA M.I.D.I. MITI RACCONTI POPOLARI E VARIA ATTUALITA'

Lo cardillo (Canto popolare del 1600)
Sto crescenno nu bello cardillo
Quanta cose che l'aggio 'mpara'
Adda ire da chisto e da chillo
Ll'immasciate po' m'adda purta'
Siente cca' bello mio lloco 'nnanze
c'e' na casa 'na nenna 'nc'e' stà
tu la vide ca nun è distante
chella nenna aje da ire a truvà.

Si la truove ca stace durmenno
pe' 'na fata gue' nun 'a piglia'
nu rummore nun fa cu li penne
guè cardì tu l'avissa scetà?
Si affacciata po' stà a lu barcone
Pe' na rosa l'avisssa piglià?
Gue' cardi' vi' ca lla' nun te stuone
Va vattenne cardi' n'addurà.

Si la truove che face l'ammore
'stu curtiello annascunnete cca'
'nficcancillo deritto allu core
e lu sango tu m'aje da purtà.
Ma si pensa vattè chianu chianu
Zitto zitto te nce l'aje accustà.
Si afferrà po' te vo' co' la mano
priesto 'mpietto tu l'aje da zumpa'.

Si te vasa o t'afferra cianciosa
tanno tu l'aje a dire accussiì:
" lu patrone pe' te nun reposa
puveriello pecchè adda murì."
T'accarezza te vasa ah… viato
chiu' de me tu si certo cardi'
Si cu' tico cagnarme m'è dato
doppo voglio davvero muri'.