MUSICA M.I.D.I. MITI RACCONTI POPOLARI E VARIA ATTUALITA'

'E ccummarelle(Arturo Gigliati - Alfredo Giannini)

Do vico 'e Ppaparelle,
non per dire, sóngo 'o rre:
Cummare e cummarelle
stanno sempe attuorno a me...
S'arapono 'e ffeneste
si mme vedono passá...
peffino ll'aucielle
fanno a gara pe' cantá...
pecché stó' sempe allero,
sempe allero...e lariulá!

Cummare e cummarelle
só' belle, só' belle...
ma io voglio bene a Stella
ch'è bella, ch'è bella...
Ma pe' ll'accuntentá
nun mme faccio prijá:
Una 'a ccá...
n'ata 'a llá:
Mme pporto pa Riviera
sotto vraccio a passiggiá!

Po vico 'e Ppaparelle
tutta gente parla 'e me...
se dice ca na "stella",
priesto o tarde, ha da cadé...
Ma chella mm'ha risposto:
" Nun mme voglio mmaretá...
mme faccio munacella:
Suora Stella mm'hê 'a chiammá..."
Invece mme vò' bene,
cerca 'ammore...e lariulá...

Cummare e cummarelle........

Cummare e cummarelle
tuttequante hanna sapé,
ca finalmente Stella
'mbracci'a me vène a cadé...
Mme chiamma "traditore"
Carulina. E ch'aggia fá?
Carmela e Cuncettina
fanno finta 'e se spará...
però, quanno mme sposo,
tutte vènono a cantá...
Cummare e cummarelle.......