MUSICA M.I.D.I. MITI RACCONTI POPOLARI E VARIA ATTUALITA'

IL TESTO:
Dint'o vico Scassacocchi
fanno sempe cane e gatte
a famiglia mia, Monticchi,
e a famiglia Cappellitti.
I' po', manco a farlo apposta,
faccio ammore di nascosto
cu na figlia 'e Cappelletti
ca se chima Giulietta.

Pirciò 'a sera 'int' o ciardino
proprio sotto al suo balcone,
cu n'accordo 'e mandolino
io me metto a suspirà:
Giulietta, mia cara Giulietta,
a cala 'a scaletta
ca voglio saglì.
I' vengo e te porto stu core
ca spanteca e more
d'ammore accussì.
Po' te dongo nu bacetto,
tu me daie nu vaso a mme...
Così di Giulietta e Romeo
sfruttanno l'idea
ce putimmo vedé!

Ma ce sta, proprio a riguardo,
nu pruverbio ch'è assai fino:
-Tanto va la gatta al lardo
che ci lascia lo zampino-
E una sera sul più bello,
mentre faccio 'o menestrello,
tutto 'nzieme scenne 'o pate
e me fa 'na mazziata...
Ma stu core nun s'arrenne,
sfida pure tutt' 'o munno,
pirciò, quanno 'a notte scenne,
torna sempe a suspirà:
(ritornello)Giulietta, mia cara Giulietta
...............................................

Chesta storia, se capisce,
se cunchiude a lieto fine
pecché a Napule fernisce
tutto a tarallucce e vino.
Sicché 'a pace se facette
tra Monticchi e Cappelletti.
Tutto cosa s'è aggiustato
e ce simmo già spusate...
Però, 'e vvote int'o ciardino,
pe pazzià la mia sposina
piglia spisso o mandulino
pe' me sentere 'e canta:
Giulietta, mia cara Giulietta,
a cala 'a scaletta
ca voglio saglì.
I' vengo e te porto stu core
ca spanteca e more
d'ammore accussì.
Po' te dongo nu bacetto,
tu me daie nu vaso a mme...
Così di Giulietta e Romeo
fuie bona l'dea
pe sta 'nzieme cu tte...
Così di Giulietta e Romeo
fuie bona l'idea
pe' sta sempe cu tte!