MUSICA M.I.D.I. MITI RACCONTI POPOLARI E VARIA ATTUALITA'

TESTO

'E rragazze mo stanno in ribbasso:
vanno a caccia p'avé nu marito...
e, pe' farse passá stu prurito,
lloro 'o ssanno quant'hann''a suffrí!

Nun só' cchiù chilli tiempe 'e na vota
quanno ll'ommo jéva appriesso â gunnella
e pe' ll'uocchie 'e na femmena bella,
mo nce vò', se faceva spará!...

'E rragazze, cu 'o cannelotto,
vanno ascianno 'o giuvinotto...
quanno ll'hann'avuto sotto,
nun s''o fanno scappá cchiù!...

'E rragazze, cu 'o cannelotto,
vanno ascianno 'o giuvinotto...
quanno ll'hann'avuto sotto,
nun s''o fanno scappá cchiù!...

'O prugresso ha purtato cchiù lusso...
'O guverno ha mettuto cchiù tasse...
Chi vulite ca mo se 'nzurasse?!
Quacche pazzo surtanto 'o ppò ffá!

Séh, purtáteve 'a femmena â casa:
'int'a niente ve fa na famiglia!
Quanno è doppo, che bella quatriglia
cu 'a Miseria, vulite abballá!

'E rragazze(ritornello)

Picceré', 'a capite 'a canzone?
Senz''e llire nisciuno ve sposa!
Abballate...facite 'e sciantose:
'A furtuna, ll'avit''a scetá!...

State lustre cu ll'aco e cu 'o ffilo,
mo arrivate cu 'o fierro e 'a cazetta...
Si 'un facite vulá 'a machinetta,
picceré', v''a putite sciusciá!...

'E rragazzeritornello)

Traduzione da napoligrafia.it:
Le ragazze ora sono in ribasso,
vanno a caccia per avere un marito
e, per farsi passare questo desiderio,
loro sanno quanto devono soffrire.

Non sono più quei tempi di una volta
quando l'uomo andava dietro alla gonnella
e per gli occhi di una donna bella,
per davvero, si faceva sparare.

Le ragazze, col lanternino,
vanno cercando il giovanotto.
Quando l'hanno messo sotto,
non se lo fanno scappare più.

Le ragazze, col lanternino,
vanno cercando il giovanotto.
Quando l'hanno messo sotto,
non se lo fanno scappare più.

Il progresso ha portato più lusso.
Il governo ha messo più tasse.
Chi volete che oggi si sposi?
Solo qualche pazzo potrebbe farlo.

Si, portatevi la donna a casa.
In un niente vi fa una famiglia.
Dopo, che bella quadriglia,
con la miseria, volete ballare.

Le ragazze, col lanternino,ecc.ecc.

Piccole, la capite la canzone?
Senza soldi nessuno vi sposa.
Ballate, fate le sciantose.
La fortuna, dovete svegliarla.

Siete nei guai con l'ago e col filo,
ora arrivate col ferro e la calzetta.
Se non fate volare la macchina per cucire,
piccole, ve la potete soffiare.

Le ragazze, col lanternino,ecc.ecc.