MUSICA M.I.D.I. MITI RACCONTI POPOLARI E VARIA ATTUALITA'

Bocca di rosa ( autori: musica e versi di Fabrizio De Andre', rifacimento in versi in napoletano di Vincenzo Salemme; interpreti: Peppe Barra)
Tutte me chiammeno bocca de rosa
sentite che musso che schiocca adirosa
tutte me chiammeno bocca de rosa
pe'mme 'o sentimento e' 'a primma cosa

Quanno scennette dint' 'a la piazza
di un paesino vicino Avellino
subbeto 'a voce currette sicura:
'nunn' e' 'na monaca di clausura

C'e sta chi ammore 'o ffa pe'na 'nziria
e chi 'o ffa pe' prufessione
bocca di rosa ne ll'uno ne 'll'ato
io 'o ffaccio sulo pe' divozione

Pero 'a divozione diventa passione
e mentre sparpito per le mie voglie
'o sangue dal cuore mi sale in testa
mi scordo di chiedere all'uomo
se ha moglie

E allora 'e femmene d' 'o paese
comme si fussero cane mulosso
s'arrevutaiene tutte 'mparanze
pecche me stevo futtenno l'uosso

Ma li bizoche di un paesello
songo 'mpechere che non fanno danno
allucche 'e papere, strille 'e galline
'o core che tremma, 'o ciato c'affanna

'O munno e' chino di gente per bene
che Cristo all'altare servire si vanta
e quanno le voglie nun po'cchiu sfamare
pe dint 'o velliculo piscia acqua santa

Cosi una vecchia rimasta zitella
pecche mai nisciuno l'aizata 'a vunnella
se pigliaie 'o mpiccio
e tanto fuie 'nzista
me scassaie ll'ova cu tutto 'o canisto

Chiammaie a raccolta tutt''e scurnacchiate
e le dicette cu 'a voce 'ncazzata
Bocca di rosa e' mariola d'ammore,
punisca la legge stu disonore

Currettero allora dd' 'o maresciallo
quarantasei zizze pe'vintitre scialle
chella cchiu scura de carnagione
facette 'a parte d' 'o lione:
" Ormai so' tre mise che dura st'andazzo
all'uommene nuoste ha fatto asci pazze
chella nun e' femmena onesta
chisa' c'annasconne sotto a la veste"

Vennero a casa col foglio di via
Pasquale e Luigino Santamaria
sete d'ammore dint' 'e penziere
sotto 'e divise d' 'e carabiniere

tedimeno che alla stazione
ce steva 'na folla da fare impressione
me ne partevo purtanneme appriesso
quel libero amore a tutti concesso

Dal maresciallo al parrocchiano
lacreme all'uocchie, cappello nmano
Firmato da tutti vulaie 'nu messaggio
c''o fiocco attaccato a 'na
rosa de maggio

In stretto anonimato
cu' lettere 'ncullate
" Bocca di rosa, tiempo e furtuna
veneno e vanno come fa' 'a luna"

Primma d' 'o tuono arriva la luce
accussi' corrono tutte li 'nciuce
" Mo' arriva 'o treno cu bocca di rosa
currite currite, lassate ogni cosa"

Alla stazione subbeto appriesso
truvaie a riceverme, un comitato
musica, fiori, sindaco in testa
manco si fosse 'nu capo di Stato.

Mo' pure 'o prevete s'e' fissato
che stongo cca' per una missione
me vo' vicino int' 'a prucessione
pecche' adda vencere 'a tentazione

Cu' Maria Vergine in prima fila
me tie ne d'uocchio 'nu poco 'a luntano
purtannese a spasso pe' tutto 'o paese
l'ammore sacro e l'ammore prufano.