MUSICA M.I.D.I. MITI RACCONTI POPOLARI E VARIA ATTUALITA'

Ammore, ammore
Musica di Duccio
Testo di Mari

Chest'è cchiù bella serata
d' 'a vita mia:
comme me sento felice
vicino a tte!
Tengo int'e bbraccia 'na fata
chiena 'e malia,
ca' suspiranno me dice:
"statte cu' mme".

Ammore, ammore
nuje ce vulimme bene:
'sti dduje catene
nisciuno 'e ppuò spezzà.
Ammore, ammore,
cu' ll'uocchie ce capimmo,
e ce dicimmo:
"che smania 'e te vasà".

'O ssaje ca' te desidero
e nun te voglio perdere,
pecché stu core mio
tu sola 'o faie campà!
Ammore, ammore
quant'anne po' durà,
'stu bbene ca' nun more?...
...........N'eternità!

Cu' 'sti capille 'e velluto:
cu' 'sta vucchella,
pare che tutt'e ccanzone
parlano 'e te.
Te veco ogn'ora e minuto
sempe cchiù bella;
e me ne moro 'e passione;
'o ssaje pecché

Ritornello:
Ammore, ammore ecc.ecc.

Sopra stampa tratta da "Usi e Costumi di Napoli e contorni descritti e dipinti", una riedizione pubblicata da Marotta editori, ma edita per la prima volta da Francesco de Bourcard nel 1857.